Covid-19 Vaccine :
অহা ১ মে’ৰ পৰা দেশত আৰম্ভ হ’ব ১৮ বছৰৰ উৰ্ধ্বৰ সকলো লোকৰ Covid-19ৰ প্ৰতিষেধক প্ৰদান প্ৰক্ৰিয়া । ইয়াৰ কাৰণে অহা ২৮ এপ্ৰিলৰ পৰা আৰম্ভ হ’ব পঞ্জীয়ন ।
অহা ১ মে’ৰ পৰা দেশত আৰম্ভ হ’ব ১৮ বছৰৰ উৰ্ধ্বৰ সকলো লোকৰ Covid-19ৰ প্ৰতিষেধক প্ৰদান প্ৰক্ৰিয়া । ইয়াৰ কাৰণে অহা ২৮ এপ্ৰিলৰ পৰা আৰম্ভ হ’ব পঞ্জীয়ন । বিশ্বৰ সৰ্ববৃহৎ এই টীকাকৰণ যাতে সুচাৰুৰূপে সম্পন্ন হয়, তাৰ কাৰণে আজি কেন্দ্ৰীয় স্বাস্থ্য মন্ত্ৰণালয়ে ৰাজ্য চৰকাৰ সমূহলৈ পত্ৰ প্ৰেৰণ কৰিছে ।
সকলো ১৮বছৰৰ উৰ্ধ্বৰ লোকে ভেকচিন কোনো অসুবিধাৰ সন্মুখীন নোহোৱাকৈ যাতে গ্ৰহণ কৰিব পাৰে তাৰ কাৰণে ৰাজ্য চৰকাৰসমূহক সকলো যাৱতীয় ব্যৱস্থা পূৰ্বৰ পৰাই গ্ৰহণ কৰিবলৈ আহ্বান জনাইছে কেন্দ্ৰই । টীকাকৰণ কেন্দ্ৰসমূহত যাতে অধিক লোকৰ সমাগম নহয় ইয়াৰ প্ৰতিও দৃষ্টি ৰাখিবলৈ নিৰ্দেশ কেন্দ্ৰৰ ।
ভেকচিন গ্ৰহণ কৰিবলৈ যোগ্য হিতাধিকাৰীয়ে অনলাইন যোগে পঞ্জীয়ন কৰাটো অনিবাৰ্য হ’ব বুলিও পত্ৰত উল্লেখ । দিনটোৰ অন্তত অৱশিষ্ট ভেকচিনসমূহ ব্যৱহাৰৰ উদ্দেশ্যে অতি কম সংখ্যক লোকৰ সদৌ শেষত যথা স্থানত পঞ্জীয়ন কৰিব পাৰিব, পত্ৰত উল্লেখ । উল্লেখযোগ্য যে, কেৱল চৰকাৰী কেন্দ্রতহে ভেকচিন বিনামূলীয়াকৈ উপলব্ধ হ’ব ।
আপোনাৰ লোকক অনুৰোধ জনাইছোঁ যাতে কোনেও Spam Comment নকৰে । ধন্যবাদ ( Digital Assam )