ৰৈ থাকিলো । অলপ পাছত তেওঁ সেইখিনি পালেহি । গাড়ীৰ সন্মুখৰ দৰ্জাখন খুলি দিলে । উঠি বহিলো ।ছিটবেল্ট লগাবলৈ লৈ বাৰে বাৰে পৰা নাই । কৰ’বাত লাগি ধৰিছে । তেওঁ অলপ হাউলি টানি আনিলে ।
নিবিচাৰোঁ ইমান ওচৰত তেওঁক । এই বিশেষ সুগন্ধি আৰু আপোন যেন লগা অনুভৱটো মোৰ বাবে যদি নতুন বিপদৰ আগজাননী হয় । তেওঁ যেন জানি বুজি অলপ বেছি চাপি আহিছে মোৰ ওচৰলৈ । চকু কেইটা মোৰ চকুতেই ৰাখিছে । আজি কোমলতা নাই সেই চাৱনিত । এসোপামান খং আৰু অভিমান হে আছে।পাতল গুলপীয়া ৰঙৰ চাৰ্টটোৰ পৰা এখিনি গুলপীয়া মোৰ গালত ছিটিকি পৰিছেহি । লগত সেই বিশেষ ফৰাছী পাৰ্ফিউমৰ মিঠা সুগন্ধি ।
(adsbygoogle = window.adsbygoogle || []).push({});
মই আকৌ এবাৰ ভাগিব নোৱাৰোঁ । কোনে বুটলি আনি আকৌ গঢ়িব মোক । কিন্তু কিয় নাজানো বাৰে বাৰে বিফল হওঁ এই মানুহজনৰ ওচৰত । যিমান পাৰোঁ নিজকে তেওঁৰ পৰা আঁতৰাই আনি দৰ্জাখনত লাগি আছোহি ।
ছিটবেল্টডাল লগাই তেওঁ গাড়ী আকৌ ষ্টাৰ্ট দিলে । ভিৰ বহুত এতিয়াও । বিশেষকৈ অফিচৰ ওচৰৰ ঠাইখিনিত গাড়ীখন আগেই বঢ়া নাই । তেওঁ মিউজিক চিষ্টেমত গান লগালে । মুখেৰে একো মতা নাই ।ময়ো মনে মনেই আছোঁ ।
তেওঁৰ ফোনত কাৰোবাৰ ফোন আহিছে আৰু তেওঁ বাৰে বাৰে কাটি আছে ।
:ফোন কিয় নাই উঠোৱা ?
:None of your business.
ইমান খং ?
মোকনো কিহে পাইছিল সুধিবলৈ !
ভিৰৰ পৰা ওলাই আহি গাড়ী মেইন ৰোডত উঠিল।তেওঁ এবাৰো মোৰ ফালে চোৱা নাই । মাত্ৰ সন্মুখলৈ চাই গাড়ী চলাইছে । যদি একো ক’বলগীয়া নায়েই তেন্তে ইমান জোৰ কৰি গাড়ীত উঠিবলৈ কৈছিল কিয় মই বুজি পোৱা নাই । এই মানুহজন যিমান সহজ বুলি মই ভাবিছিলোঁ সিমান সহজ একেবাৰেই নহয় ।মিনিটত সলনি হয় তেওঁৰ মুড।আৰু খং মোৰ সৈতে একেই ।
:Marry me !
:What ?????
