যেদিন কানে কানে সব বলবো তোমাকে
বুকেৰ মাঝে জাপটে জড়িয়ে ধরবো তোমাকে ।
পথ চেয়ে ৰই, দেৰি কৰোনা যতই
আৰ ভোলা যাবেনা জীবনে কখনোই,
তোমাকে, ও.. তোমাকে ।
গভীৰ নিশাৰ নির্জনতাত দুটি শৰীৰ ,দুটি মন, দুটি আত্মাৰ একান্ত সময়।অনিৰুদ্ধৰ দুহাতত মই যেন এটা কাঁচৰ পুতলা । ইমান আলফুল অথচ ইমান নিবিড় প্ৰতিটো স্পৰ্শ, প্ৰতিটো চুম্বনত হাজাৰটা প্ৰতিশ্ৰুতি ।কেৱল উন্মাদনাৰ জোৱাৰ নহয়, নিৰাপত্তাৰ এখন চাদৰ হৈ মেৰিয়াই ধৰিছে মোৰ সমগ্ৰ সত্তা ।এৰি দিছোঁ নিজক, আৰু যে উপায় মই বিচাৰিও পোৱা নাই ।
মজিয়াত পৰি ৰোৱা মোৰ গুলপীয়া শাড়ীখন, তেওঁৰ বগা চাৰ্টটো আৰু মোৰ খেলিমেলি চুলিখিনি আজি অনুৰাগৰ অলেখটা মুহুৰ্তৰ সাক্ষী ।
সময় আগবাঢ়িছে, সমানেই মৰমৰ উত্তাপ..
:What’s this ?
ezstandalone.cmd.push(function() {
ezstandalone.showAds(125);
});
বুকুৰ সোঁমাজত থকা ঘাঁটুকুৰা চুই দিলে তেওঁ । জিকাৰ খাই উঠিল মোৰ সমগ্র শৰীৰ । সেই ভয়াৱহ ৰাতিৰ স্মৃতি তাতেই যে আজিও সাৰে আছে । কলিকতাৰ ঘিণ লগা ৰাতিটো । সিদ্ধাৰ্থই মোক বশ কৰিব নোৱাৰি বিয়েৰৰ বটলৰ ভঙা টুকুৰাৰে আঘাত কৰিছিল সেইখিনি ঠাইত । এবাৰলৈও কন্দা নাছিলোঁ মই ।বিৰিঙি বিৰিঙি তেজ ওলোৱা ঠাইখিনিত অকনমানো অনুশোচনা বা অপৰাধবোধ নোহোৱাকৈ খুড়ীয়ে বেণ্ডেজ লগাই ঢাকি থৈছিল ।
এক সপ্তাহ তেনেকৈয়ে ঢাকি ৰখা ঘাঁ ডোখৰ পিছত লাহে লাহে আৰু বেছি বাঢ়ি গৈছিল । ডক্টৰে ড্ৰেছিং কৰি চিলাই কৰি দিওঁতে এবাৰো সোধা নাছিল কেনেকৈ কি হ’ল বুলি ।
সেই চিলাইৰ দাগটো এতিয়াও অকণমান ফুলি থাকে, পাহৰিব খোজা দিনবোৰ সোঁৱৰাই থাকে।
কিন্তু অনিৰুদ্ধই কিয়…
:প্লিজ কোৱা, কি দাগ এইটো ?
:Someone tried to rape me.
এটি স্থিৰ মুহূৰ্ত ।
উশাহৰপৰা উন্মাদনালৈকে সকলোকে শিল কৰিব পৰা এটা মুহূৰ্ত । মোৰ বুকুৰপৰা উঠি আহি তেওঁ মোৰ চকুত চকু থৈ চাই আছে মাথোঁ । ফেৰী লাইটৰ টিপ টিপ পোহৰত স্পষ্টকৈ দেখিছোঁ সেই ধুনীয়া চকুযুৰিৰ পানীখিনি । দুয়োখন হাতেৰে মোৰ মূৰৰ দুফালে ভেজা দি ৰৈ থকা মানুহটো কিমান কোমল অন্তৰৰ সেইয়া মই জানো ।
:Who did this ?
ezstandalone.cmd.push(function() {
ezstandalone.showAds(125);
});
মোৰ চকুত চকু থৈ সোধা প্ৰশ্নটোৰ উত্তৰ মোৰ ওচৰত নাছিল..
এটোপাল লুণীয়া পানী তেওঁৰ চকুৰ পৰা সৰি মোৰ চকুত সোমাল..
:You need to heal first Ananya.. I can’t do this..I should have waited.. I am so so sorry..
মোৰ কপালত চুমা এটা আঁকি তেওঁ আঁতৰি গ’ল..
আৰু একো কোৱাৰ সুযোগ তেওঁ মোক নিদিলে । মজিয়াত পৰি থকা চাৰ্টতো পিন্ধি হাতত বেগ লৈ ওলাই গুচি গ’ল । ঘড়ীত তেতিয়া এক বজাৰ সংকেত ।
দৰ্জাখনত আঁৰি থোৱা তেওঁ উপহাৰ দিয়া wind chim টো তেতিয়াও বাজি আছে।উঠি বহিলো । নিজকে আকৌ এবাৰ সামৰিবই লাগিব । দৰ্জাখন বন্ধ কৰি বাথৰুমত সোমালোঁ । আইনাত এবাৰ নিজকে চালোঁ । খেলিমেলি চুলি, ৰঙা পৰি থকা গাল, মুখ, ডিঙি…
মোৰ শৰীৰৰপৰা ভাঁহি আহিছে অনিৰুদ্ধৰ ফৰাচী পাৰফিউমৰ সুগন্ধি ।
আৰু বুকুৰ সেই দাগটো…
ধুনীয়া ৰাতিৰ বেয়া লগা দাগটো চাই থাকিব নোৱাৰিলোঁ । শ্বাৱাৰৰ পানীত উটাই দিছোঁ প্ৰতিটো ভাললগা বেয়ালগা মুহূৰ্ত । আৰু মাত্ৰ তিনিঘণ্টাৰ পাছতেই ওলাই যাব লাগিব । আৰু বা কি ৰৈ আছে মোৰ বাবে ।
কিমান দেৰি শ্বাৱাৰৰ তলত বহি থাকিলোঁ নিজেই নাজানো ।
ঘৰটোৰ খেলেলিবোৰ সামৰি সকলো আগৰদৰেই ধুনীয়া কৰিলোঁ.. কিন্তু মনৰ খেলিমেলিবোৰ.. !!!
এইবোৰৰ শেষ আছে জানো ??
ডিব্ৰুগড়ৰ এয়াৰপোৰ্টত নামি বেগটো লৈ ওলাই আহোঁতে অসমৰ চিনাকি পৰিৱেশটো দেখি বুকুখন গধুৰ হৈ আহিলে ।
(adsbygoogle = window.adsbygoogle || []).push({});
নিজেৰেই ঠাইখন কেনেকৈ ইমান যে দূৰ হৈ পৰিল । ঘৰ এখন নাই বুলি ভাবিব লগীয়া হোৱাৰ পৰা সকলো সলনি হৈ যোৱাৰ দৰে হ’ল । ঘৰত মই আহিম বুলি জানে, কিন্তু সময়টো কোনেও নাজানে ।গাড়ী এখন লওঁ বুলি ইখন সিখন সুধি থাকোঁতে ক’ৰবাৰ পৰা দৌৰি দৌৰি যোগেশ দা ওলাইছেহি ।
:মাজনী,দে দে ,বেগটো দে।মই ৰৈ চাইয়ে আছিলোঁ অথনিৰে পৰা ।
(adsbygoogle = window.adsbygoogle || []).push({});
:কেনেকৈ জানিলে মই আহিছোঁ বুলি ?
:তোৰ মায়েও জানে দেখোন । গাড়ীতে আছে ব’ল ।
:মা আহিছে ?
Also Check: JEC Arnab And Astha Love Story | JEC Arnab Astha All Parts Link
